 |
RODNYJA VOBRAZY
|
|
Vobrazy miłyja rodnaha kraju,
Smutak i radaść maja!..
Jakub Kołas
|
|
|
|
|
|
|
|
|
|
Viasieńni Mikoła prychodzić
u mai, zimovy – u śniežani.
Narodny kalandar
Na sojmik sojki žyćciastojki
Namacvaŭ doły piłihrym.
Palana zhortvała nastolnik:
Lažaŭ razhornuty, jak dym.
Niatupkaj ściežcy napiarejmy
Adviešvaŭ skivicu haroch.
Rasy błiščastaje biaremia
Zahrob abieruč aharod.
Kapusta spała, jak raspusta.
I zajac viełična havieŭ:
Kałi ŭ vantrobach zajca pusta,
Dyk zajcu poŭna ŭ hałavie.
Pakul ahoń sa strelby plaśnie,
Kab dzik zadzior plaskaty łyč,
Vałok vaŭčyska chib ułasny,
Vałoksia śledam chvost, jak bič.
Na łapu łasamu miadźviedziu
Źbirała chabar miodny borć.
Chvała Zastupniku, bo ledźvie
Nia zhrebła łapa pčolny zbor.
Navoddal hruznaha paroma
Puściłi Nioman pa rukach.
Działić vyhodu – dyk paroŭnu! –
Jazi źmiasiłi pierakat.
Łasinaj mordaj rahanosca
Stažki niaŭłomak barukaŭ,
Choć nos nia nios, hlaka adnosna,
Złamysny koler buraka.
Na łasku viernikaŭ tutejšych
Nadziei ŭskładvaŭ uradžaj,
Adnak iznoŭ siabie zavieršvać
Pakłikaŭ śloznych haradžan.
Furmanka skardzicca na moście:
Nałicha vieźci łišni miech?
Na moście ŭ radaści i ŭ złości
Najlepš apiryšča nia mieć.
Razora spražyła bulboŭnik:
Vuholčyk tyc – Mikołu ŭpiok!
I toj napoi, jak naboi,
Na pieč z kamory pavałok.
|
|
|
|
Padabajecca
Nie padabajecca
|
|
|
2009–2020. Biełaruś, Miensk.
|
|
|
